Réttindagátt Sjúkratrygginga Íslands

Réttindagátt er mínar síður fyrir einstaklinga og heldur utan um og birtir upplýsingar og réttindi um sjúkratryggingar. Þar er einnig hægt að skila öllum nauðsynlegum skjölum til SÍ á öruggan hátt. Í Réttindagáttinni geta einstaklingar m.a. fengið upplýsingar um:

• Greiðslustöðu í heilbrigðisþjónustu sem fellur undir sjúkratryggingar

• Lyfjakaup – þrepastaða og lyfjaskírteini

• Hjálpartæki og næringarefni

• Sótt um ES kort og rafrænt ES kort

• Persónuafsláttur, rafræn skráning á ráðstöfun (skattkort)

• Auk þess að hægt er að sjá greiðsluskjöl og viðskiptayfirlit vegna sjúkratrygginga, slysatrygginga og sjúklingatryggingar.

Þá er einnig hægt að skrá heimilistannlækni fyrir börn sín í gáttinni.

Réttindagáttin er í stöðugri þróun og munu nýjar þjónustur bætast við í náinni framtíð.

Leiðbeiningar um innskráningu og notkun á Réttindagátt:

Aðgangur að Réttindagátt Sjúkratrygginga Íslands er í gegnum auðkenningu á Island.is. Notendur auðkenna sig með rafrænum skilríkjum. Sjá nánar á skilriki.is.

Leiðbeiningar varðandi örugg rafræn skil á gögnum í Réttindagátt:

Nú er hægt að skila gögnum á öruggan hátt í gegnum Réttindagátt. Umsóknir sem berast frá Réttindagátt einstaklings á word-formi er hægt að skila án undirskriftar.

Hvernig skoða ég og breyti skráningu á heilsugæslustöð?

Í Réttindagátt gefst sjúkratryggðum einstaklingum kostur á að skrá sig á heilsugæslustöð eða hjá sjálfstætt starfandi heimilislækni. Þar er einnig hægt að sjá á hvaða stöð eða hjá hvaða lækni viðkomandi er skráður. Sjá frekari leiðbeiningar hér.